សំណេរជីវិត: Google មានអាយុកាលបាន ១៣ឆ្នាំហើយ

បើនិយាយពី Google ប្រាកដណាស់ថាប្រិយមិត្តពិតជាស្គាល់ ។ Google គឺជាគេហទំព័រស្វែងរកដ៏មានសារប្រយោជន៍និងធំបំផុតនៅក្នុងពិភព Internet បច្ចុប្បន្ន ។ បើគិតមកដល់ពេលនេះ Google មានអាយុកាលបាន ១៣ឆ្នាំហើយ ។ ក្នុងរយៈកាល១៣ឆ្នាំបើធៀបទៅនឹងមនុស្សវិញ ប្រហែលជានៅរៀនកំរិតមធ្យមសិក្សានៅឡើយ ។ ចុះតើរយៈពេល ១៣ឆ្នាំកន្លងមកនេះGoogle បានអភិវឌ្ឍន៍ខ្លួនដូចម្តេចខ្លះ? ដូច្នេះស្វែងយល់ជាមួយ Camnews ដូចតទៅ៖

សម័យកាលឆ្នាំ ១៩៩៨

ថ្ងៃទី ៤ខែកញ្ញាឆ្នាំ ១៩៩៨ Larry Page និង Sergey Brin,ពេលនោះគឺជាអ្នកស្រាវជា្រវពីររូបនៃសាកលវិទ្យាល័យ Stanford និងបានរួមគ្នាបង្កើតឡើងនូវក្រុមហ៊ុន Google Inc ជាក្រុមហ៊ុន បច្ចេក វិទ្យា មួយ ដែល បាន ធ្វើ អោយ មាន ការ ផលាស់ប្តូរទាំងស្រុងនៅក្នុងពិភព អ៊ីនធើណិត ។

បើទោះបីជាក្រុមហ៊ុនបានបង្កើតឡើងនៅថ្ងៃទី ៤ខែកញ្ញា និងឈ្មោះ Domain ជា Google.com បានចុះឈ្មោះនៅថ្ងៃទី ១៥ខែកញ្ញា ១៩៩៨ ក៏ដោយតែ Google តែងតែយកថ្ងៃទី ៧ខែកញ្ញា ធ្វើ ជា ថ្ងៃ រំលឹក ខួបអនុស្សាវរីយ៍នៃការបង្កើតក្រុមហ៊ុនជានិច្ច ។

បើគិតចាប់ពីថ្ងៃបង្កើតក្រុមហ៊ុនរហូតមកដល់ពេលបច្ចុប្បន្ននេះគឺមានអាយុកាល ១៣ឆ្នាំហើយ ។ Google បានក្លាយជាឧបករណ៍ស្វែងរកដ៏ធំមួយនិងមានប្រយោជន៍បំផុត ដែលប្រហែលជាគ្មាននរណាម្នាក់ក្នុងចំណោមអ្នកប្រើប្រាស់ អ៊ីនធើណិត ចៀសវាងប្រើប្រាស់វាបានឡើយក្នុងមួយថ្ងៃៗ ។ លើសពីនេះទៅទៀត Google មិនត្រឹមតែជាឧបករណ៍ស្វែងរកដូចពីដំបូងឡើយ គឺពីមួយថ្ងៃទៅមួយថ្ងៃ Google កាន់តែមានឥទ្ធិពលធំធេងឡើង អមជាមួយសេវាកម្មកាន់តែច្រើននិងប្លែកៗ កាន់តែមានប្រយោជន៍ និងអាចបំពេញបានស្ទើរតែគ្រប់តំរូវការអ្នកប្រើប្រាស់ទូទៅទៀតផង ។

សម័យកាលឆ្នាំ ១៩៩៦-១៩៩៧ BackRub

ត្រលប់ទៅកាន់ដំណាក់កាលដំបូង ខណៈពេលដែល Page និង Brin បានជួបគ្នានៅសាកលវិទ្យាល័យ Stanford នៅក្នុងឆ្នាំ ១៩៩៥ និងបានរួមគ្នាបង្កើតនូវឧបករណ៍ ស្វែងរកមួយមានឈ្មោះហៅថា BackRub នៅខែមករា ឆ្នាំ ១៩៩៦ ។ ក្រោយមកអ្នកទាំងពីរក៏បានសំរេចប្តូរឈ្មោះឧបករណ៍ស្វែងរកនោះមកជា Google វិញ ដែលជាវិធីលេងពាក្យមួយសំរាប់“gooogol”ដែលមានអត្ថន័យស្មើនឹងលេខមួយអមដោយលេខសូន្យចំនួន ១០០ ដងនៅខាងក្រោយដែលនេះគឺជាន័យបង្កប់របស់ពួកគេក្នុងមហិច្ឆិតាដើម្បីបង្កើតនូវប្រភពបរិមាណមិនកំណត់មួយនៅលើគេហទំព័ររបស់ខ្លួន ។ ជាក់ស្តែងពួកគេអាចធ្វើបានមែន ។

ឆ្នាំ ១៩៩៨ ទំព័រដើមរបស់ Google ចាប់កំណើត

ថ្ងៃទី ១៦ ខែកញ្ញា ឈ្មោះ Domain ជា Google.com ត្រូវបានចុះឈ្មោះជាផ្លូវការ ប៉ុន្តែរហូតមកដល់ខែ វិច្ឆិការ ទើបទំព័រដើមរបស់ Google.com បានបង្ហាញ ។ នៅដើមឆ្នាំនេះដៃគូរបង្កើតក្រុមហ៊ុនបានទទួលបានប្រាក់ជំនួយលើងដំបូងចំនួន ១០០,០០០ ដុល្លាអាមេរិកពីអ្នកវិនិយោគទុនឈ្មោះ Andy Bechtolsheim ។

ខែកញ្ញាឆ្នាំ ១៩៩៨ Larry Page និង Sergey Brin ពីដើមទុននៃប្រាក់ជំនួយនេះពួកគេបានសំរេចចិត្តបង្កើតក្រុមហ៊ុន Google Inc នៅក្នុងគេហដ្ឋានមួយនៅឯ Menlo Park រដ្ឋ California សហរដ្ឋអាមេរិក និងបានជួលបុគ្គលិកធ្វើការដំបូងឈ្មោះ Craig Silverstein ។

ប្រការដែលគួរអោយចាប់អារម្មណ៍បំផុតគឺ Page និង Brin ពួកគេមិនពូកែខាងផ្នែកសរសេរកម្មវិធី HTML ឡើយ ។ ហេតុនេះហើយទើបទំព័រដើមរបស់ Google ដំបូងមានភាពរញ៉េរញ៉ៃ និង ខុសច្រើន ។ ស្របជាមួយគ្នានោះដែរអ្នកទាំងពីរក៏បានសរសេរដំណឹងមួយដាក់នៅផ្នែកខាងក្រោមគេហទំព័រដើម្បីធ្វើការជូនដំណឹងដល់អ្នកប្រើប្រាស់ដឹងពីខ្លឹមសារអំពីទំព័រដែលបានទាញយករួចរាល់ហើយផងដែរ ។

ឆ្នាំ ១៩៩៩ ផ្លាស់ប្តូរការិយាល័យថ្មី មួយឆ្នាំក្រោយនៃថ្ងៃចាប់កំណើតរបស់ខ្លូន Google បានធ្វើការផ្លាស់ប្តូរទីសា្នក់ការរបស់ខ្លួនទៅកាន់ទីស្នាក់ការថ្មី Mountain View នៅក្នុងរដ្ឋ California ដែលជាទីស្នាក់ការបច្ចុប្បន្នរបស់ Google ។ ពេលនោះក្រុមហ៊ុនក៏បានទទួលបា្រក់ជំនួយឡើងដល់ ២៥ លានដុល្លាអាមេរិកពីបណ្តាអ្នកវិនិយោគទុនជាច្រើន ។

ក្នុងឆ្នាំនោះដដែល “Uncle Sam” ជាពាក្យស្លោកដែលប្រជាជនអាមេរិកស្គាល់ច្បាស់បំផុតនោះក៏ត្រូវបាន Google យកទៅដាក់នៅលើគេហទំព័ររបស់ខ្លួនផងដែរ អនុញ្ញាតអោយអ្នកប្រើប្រាស់អាចស្វែងរកឯកសារដែលទាក់ទងអំពីប្រធានាធិបតីអាមេរិក ។

ឆ្នាំ ២០០០ Google បានប្រែក្លាយជាឧបករណ៍ស្វែងរកមូលដ្ឋាន(default search) របស់Yahoo Google បានចាប់ផ្តើមពង្រឹងកេរ្ត៍ឈ្មោះរបស់ខ្លួនជាបណ្តើរៗនៅពេលដែលបានសហការណ៍ និង ក្លាយជាឧបករណ៍ស្វែងរកមូលដ្ឋានរបស់ Yahoo ,គឺជា”កំលាំងកំពូល”នៅសម័យកាលនោះក្នុងពិភពបច្ចេកវិទ្យា ។

ក្រៅពីកិច្ចសហប្រតិ្តបតិ្តការនេះ Google បានធ្វើការប្រកាសថាខ្លួនបានធ្វើគំនូសសញ្ញា (marked) លើគេហទំព័របានជាង ១ពាន់លាន និងក្លាយជាទំព័រស្វែងរកធំបំផុតនៅលើពិភពលោក ។ ក្នុងឆ្នាំនោះដែរក៏គឺជាឆ្នាំដំបូងដែល Google បានបង្ហាញវត្តមានសេវាកម្មផ្សព្វផ្សាយពាណិជ្ជកម្ម Adword ជាលើកដំបូង ដែលជាសេវាកម្មអាចអោយអ្នកជំនួញទិញការផ្សាយពាណិជ្ជកម្មតាមពាក្យគន្លឹះដើម្បីបង្ហាញខ្លឹមសារនៅក្បែរលទ្ធផលនៃការស្វែងរក ។

ឆ្នាំ ២០០១ បញ្ចេញវត្តមានឧបករណ៍ស្វែងរករូបភាព

មុខងារស្វែងរករូបភាព (Image search) ត្រូវបាន Google ធ្វើការណែនាំបង្ហាញនៅក្នុងខែកក្កដាឆ្នាំ ២០០១ ។ នៅពេលនោះ Google ក៏បានធ្វើការបង្ហាញថាខ្លួនបានធ្វើកំនត់សំគាល់បានប្រមាណជា ២៥០លានរូបភាពផងដែរ ។

ឆ្នាំ ២០០២ ឧបករណ៍ Google Search Applicance

Applicance ដើមឆ្នាំ ២០០២ Google បានធ្វើការណែនាំបង្ហាញនូវ Hardware ដំបូងរបស់ខ្លួនមានឈ្មោះថា Google Search Appliance ជាឧបករណ៍សំរាប់ភ្ជាប់ជាមួយម៉ាស៊ីនកុំព្យូទ័រ និងផ្តល់មុខងារស្វែងរកលំដាប់ខ្ពស់សំរាប់ទិន្នន័យខាងក្នុង ។

ឆ្នាំ ២០០៣ បង្ហាញវត្តមាន Adsense

Google ធ្វើការណែនាំនូវឧបករណ៍ផ្សព្វផ្សាយពាណិជ្ជកម្មធំបំផុតក្នុងពិភពលោកគឺ Adsense ។ នេះជារូបសណ្ឋានពាណិជ្ជកម្មរួមគ្នាជាមួយ Google Adword អនុញ្ញាតអោយការផ្សាយពាណិជ្ជកម្មរបស់អ្នកជំនួញលើគេហទំព័រពីភាគីទីបី ដើម្បីទាកទាញអ្នកចូលទស្សនាបន្ថែមសំរាប់អ្នកជំនួញទាំងនោះ ។

ឆ្នាំ ២០០៤ វត្តមានរបស់ Gmail

Google បង្ហាញវត្តមាន Gmail នៅចំថ្ងៃ ១មេសា ឆ្នាំ ២០០៤ ។ប៉ុន្តែកំណែរសាកល្បងដំបូងតំរូវអោយអ្នកប្រើប្រាស់ត្រូវមានលិខិតអញ្ជើញ(mail) ទើបអាចចូលរួមបាន ។ បើទោះបីជានៅមានកាលកំណត់ច្រើន តែ Gmail ទទួលបានការទាក់ទាញយ៉ាងខ្លាំងពីសំណាក់អ្នកប្រើប្រាស់ដោយសារតែភាពលេចធ្លោរបស់ខ្លួន ។ ហើយបច្ចុប្បន្ន Google បានអនុញ្ញាតអោយអ្នកប្រើប្រាស់ធ្វើការចូលរួមជាមួយសេវាកម្ម Gmail ដោយឥតគិតថ្លៃ ។ ក្រោយមក Gmail ក៏បានក្លាយជាសេវាកម្មផ្ញើសារនាំមុខគេនៅលើពិភពលោកទៀតផង អំពីបរិមាណនៃអ្នកប្រើប្រាស់ ។

ឆ្នាំ ២០០៥ ផែនទី Online : Google Maps

ផែនទី Online ត្រូវបាន Google ឧទ្ទេសនាមនៅខែកម្ភៈឆ្នាំ ២០០៥ និងត្រូវបានដាក់បញ្ចូលនៅក្នុង iPhone នៅឆ្នាំ ២០០៧ ។ ស្របពេលជាមួយគ្នានៃការមានវត្តមានរបស់ Google Maps នៅខែមិថុនាឆ្នាំ ២០០៥ កម្មវិធី Google Earth ដែលជាកម្មវិធីសំរាប់មើលផែនទីតាមផ្កាយរណបក៏ត្រូវបាន Google ធ្វើការបង្ហាញផងដែរ ។ នៅក្នុងឆ្នាំនេះដដែល Google ក៏បានឧទ្ទេសនាមបង្ហាញនូវឧបករណ៍ស្វែងរកមួយទៀតដែលមានឈ្មោះថា code.google.comសំរាប់ផ្តល់ភាពងាយស្រួលដល់អ្នកសរសេរកម្មវិធីកុំព្យូទ័រទាំងឡាយមានភាពងាយស្រួលក្នុងការស្វែងរកនូវប្រភពកូដដែលមានស្រាប់នៅលើទំព័រនោះ ។ Google ក៏បានទិញយកនូវកម្មវិធី Urchin ដែលជាសេវាកម្មធ្វើអោយមានភាពប្រសើរឡើង

ផ្នែកទិន្នន័យ ដែលក្រោយមកត្រូវបានអភិវឌ្ឍន៍ទៅជា Google Analytics ។

ឆ្នាំ ២០០៦ ទិញយក Youtube

ក្នុងតំលៃ ១,៦៥ពាន់លានដុល្លាអាមេរិក ក្រុមហ៊ុនបានទិញយក Youtube នៅខែតុលាឆ្នាំ២០០៦ដែលជាក្រុមហ៊ុនដ៏ធំបំផុតមួយក្នុងប្រវត្តិសាស្រ្តរបស់ Google និងខ្ពស់បំផុតមកដល់សម័យបច្ចុប្បន្ន ។ បច្ចុប្បន្ន Youtube បានក្លាយជាសេវាកម្មសំរាប់ទស្សនានិងចែករំលែកវីដេអូ តាមអ៊ីនធឺណែត ធំបំផុតនៅលើពិភពលោក ដែលមានវីដេអូរាប់លានបានធ្វើការចែករំលែកបង្ហោះឡើងជារៀងរាល់ថ្ងៃ ។ ក្នុងឆ្នាំនេះដដែល Google ក៏បានបញ្ចេញនូវកម្មវិធីមួយទៀតមានឈ្មោះថា Gchat ដែលជាកម្មវិធីសំរាប់ជជែកកំសាន្តដែលមានបញ្ចូលទៅក្នុងប្រអប់សាររបស់ Gmail រួចជាស្រេច ។

ឆ្នាំ ២០០៧ ទិញកម្មវិធី Android

ខែវិច្ឆិការឆ្នាំ ២០០៧ Google បានទិញបន្តក្រុមហ៊ុន Android ដែល Google បានហៅថា”ជាកម្មវិធីមូលដ្ឋានសំរាប់ទូរស័ព្ទចល័តដំបូងនៅលើពិភពលោក” ។ បើទោះបីជាក្រុមហ៊ុន Android មិនមែនជាក្រុមហ៊ុនដែលធំនិងមានឈ្មោះល្បីក៏ដោយតែវាទទួលបានការចាប់អារម្មណ៍យ៉ាងខ្លាំងពីអ្នកប្រើប្រាស់និងបានធ្វើអោយ Google ទទួលបានជោគជ័យបំផុត ។

ឆ្នាំ ២០០៨ កម្មវិធី Chrome Browser ចាប់កំណើត

ខែកញ្ញាឆ្នាំ ២០០៩ Google បានធ្វើការណែនាំឧទ្ទេសនាមនូវកម្មវិធីថ្មីមួយដែលមានឈ្មោះថាChrome ដែលជាកម្មវិធីសំរាប់ចូលទៅកាន់គេហទំព័រ (Web Browser) និងមិនយូរប៉ុន្មានកម្មវិធីនេះទាក់ទាញបានអ្នកប្រើប្រាស់យ៉ាងច្រើននៅទូទាំងពិភពលោក ។ កំរិតល្បឿននៃការអភិវឌ្ឍន៍របស់ Chrome មានកំរិតមួយយ៉ាងលឿនដែលរហូតមកដល់បច្ចុប្បន្ននេះ Chrome បានឆ្លងកាត់១៣ កំណែ ផ្លូវការនិង កំណែសាកល្បងទី ១៤ក៏ទើបតែបានឧទ្ទេសនាមផងដែរ ។ក្នុងឆ្នាំនោះដដែល ក្រុមហ៊ុនទូរគមនាគមន៍ T-Mobile បានឧទ្ទេសនាម G1 ដែលជាទូរស័ព្ទចល័តប្រើប្រាស់កម្មវិធី Androdi ដំបូងរបស់ Google ផងដែរ ។

ឆ្នាំ ២០០៩ Google Wave - ភាពបរាជ័យរបស់ Google

ក្តីរំពឹងជាច្រើន ,មុខងារជាច្រើនត្រូវបាន Google ធ្វើការឧទ្ទេសនាមនៅក្នុងមូលដ្ឋានគ្រឹះ Wave ដែល Google សង្ឃឹមយ៉ាងមុតមាំថានឹងនាំមកអោយអ្នកប្រើប្រាស់នូវ”បន្ទប់ធ្វើការងារមួយ”និងគេហទំព័រសង្គមមួយពិតប្រាកដ ។ បន្តែផ្ទុយទៅវិញមុខងារទាំងនេះបានក្លាយជាបញ្ហាដ៏ស្មុគស្មាញបំផុត ។ រយៈពេលតែប្រហែលមួយឆ្នាំក្រោយមក Google បានទទួលស្គាល់ថា Wave គឺជាភាពបរាជ័យរបស់ខ្លួន ។

ឆ្នាំ ២០១០ បង្ហាញវត្តមាន” ទីផ្សារ Applications” Google Apps Marketplace

Google Apps Marketplace គឺជាឃ្លាំង Applications ដែលត្រូវបាន Google បង្កើតឡើងអនុញ្ញាតអោយអ្នកបង្កើតអាចបង្ហោះ ទាញយក និងលក់នូវ Applications ដែលខ្លួនបានបង្កើតឡើងទាំងនោះ ។នៅក្នុងឆ្នាំនោះដដែល Google ក៏មាន”មហិច្ឆិតា”លើគេហទំព័រសង្គមរបស់ខ្លួនជាមួយ Google Buzz ដែលជាទំព័រសង្គមដែលបានដាក់បញ្ចូលនៅក្នុង Gmail ។ តែវាបានក្លាយជាការបរាជ័យជាលើកទីពីររបស់ Google បន្ទាប់ពី Wave ។

ឆ្នាំ ២០១១ បន្ត”ក្តីស្រម៉ៃ”របស់ខ្លួនលើគេហទំព័រសង្គមជាមួយ Google+

បន្ទាប់ពីការបរាជ័យលើ Wave និង Buzz Google មិនមានគំនិតបោះបង់រឺរារែកអ្វីឡើយនូវក្នុងបំណងដ៏មហិមារក្នុងការបង្កើតគេហទំព័រសង្គមរបស់ខ្លួន ។ ខែមិថុនាឆ្នាំ ២០១១ គេហទំព័រសង្គមមួយឈ្មោះថា Google+ ដែលត្រូវបាន Google វិនិយោគទុនមានទ្រង់ទ្រាយខ្លាំងក្លាបំផុតក៏បានចាប់កំណើតឡើង ។ ហើយបើទោះបីជាស្ថិតនៅក្នុងរយៈកាលមួយសាកល្បងនិងត្រូវមានលិខិតអញ្ជើញ(Mail) ទើបអាចចូលរួមបានក៏ដោយ Google+ ទទួលបានការទាក់

ទាញយ៉ាងខ្លាំង ដែលមានអ្នកប្រើប្រាស់រាប់លានអ្នកត្រឹមតែក្នុងរយៈពេលមួយខ្លីប៉ុណ្ណោះ ។ នៅក្នុងឆ្នាំនេះដដែរ Google បានធ្វើអោយមានការភ្ញាក់ផ្អើលថ្មីមួយទៀត គឺក្រុមហ៊ុនបានទិញយកក្រុមហ៊ុនផលិតទូររស័ព្ទរបស់ Motorola ក្នុងតំលៃ ១២,៥ពាន់លានដុល្លាអាមេរិកដែលជាតំលៃខ្ពស់បំផុតមួយក្នុងប្រវត្តិសាស្រ្តរបស់ Google ។

ដូច្នេះក្នុងរយៈពេល ១៣កន្លងទៅនេះ Google បានធ្វើអោយពិភពលោកស្គាល់កាន់តែខ្លាំងឡើង និងអាចនិយាយបានថាជាអ្នកជំនួយការដ៏ពិសេសបំផុតដែលមិនអាចខ្វះបានសំរាប់អ្នកប្រើប្រាស់ អ៊ីនធឺណែត ទូទៅ ។ ហើយមិនបញ្ឈប់ត្រឹមនេះទេ Google នៅបន្តអភិវឌ្ឍន៍ខ្លួនជារហូតដើម្បីអោយអ្នកប្រើប្រាស់កាន់តែមានភាពងាយស្រួលជាមួយសេវាកម្មឥតព្រំដែនកំណត់របស់ខ្លួននៅក្នុងពិភព អ៊ីនធឺណែត ក៏ដូចជាការនាំមុខគេនៅក្នុងពិភពបច្ចេកវិទ្យាលើពិភពលោក ៕

ប្រពភគេហទំព័រ CamNews

Google មានអាយុកាលបាន ១៣ឆ្នាំហើយ

No comments: