"ជាការពិតណាស់ក្នុងនាមជានិសិត្សមិនមែនមានន័យថាគាត់ត្រូវតែឈ្ងោកមុខមើលសៀវភៅ និងនៅបណ្ណាល័យគ្រប់ពេលនោះទេ ពេលខ្លះគេក៏ត្រូវការពេលវេលាសំរាក់លំហែកាយផ្ទាល់ខ្លួន ឬជាមួយមិត្តភ័ត្ត បន្ទាប់ពីការសិក្សាខ្លះដែរ តែការកំសាន្តគឺត្រូវតែស្ថិតក្នុងភាពត្រឹមត្រូវ និងប្រុងប្រយ័ត្នខ្ពស់សំរាប់ខ្លួនឯង និង មិត្តភ័ក្តក្នុងក្រុម សំរាប់ខ្ញុំនិងមិត្តភ័ក្តខ្ងុំក៏ធ្លាប់ជួបរឿងរ៉ាវដូច មិត្តនិសិត្ស៦នាក់ដូចព័តមានខាងក្រោមចុះផ្សាយអញ្ចឹងដែរ តែពួកខ្ញុំមានសំណាងខ្ពស់ដែលបានរួចជីវិតតាមរយៈពោងហែលទឹកដែលអ្នកលេងជិតខាងផ្តល់ឲខណៈពេលហេតុការណ៌ជួយសង្ក្រោះមិត្តខ្ញុំម្នាក់លង់ទឹកទន្លេរ។ ខ្ញុំមិនដឹងថាត្រូវថ្លែសងគុណដល់អ្នកទាំងនោះយ៉ាងណានោះទេ? ដែលបានស្រង់ជិវិតពួកយើងមកវិញ។ ខ្ញុំសូមចូលរូមរំលែកទុក្ខចំពោះមិត្តនិសិត្ស២នាក់នេះដែលបានជួបគ្រោះអកុសលក្នុងហេតុការណ៍នេះ។"សារព័តមានដើមអំម្ពិល៖ និស្សិត មួយក្រុម មានគ្នា៦នាក់ បាននាំគ្នាទៅស្ទូចត្រី និងផឹកស្រា រួចក៏ចុះហែលទឹកលេង កម្សាន្តតែជាអកុសលទឹកហូរខ្លាំងពេក ក៏លង់លិចចូល ទៅក្នុងទឹកបាត់ តាំងពីវេលាម៉ោង ៣ និង២០នាទីរសៀលថ្ងៃទី១៩ រហូតដល់ថ្ងៃទី២០ ខែសីហា ឆ្នាំ២០១១ ទើបប្រទះឃើញសពអណ្ដែត នៅមាត់សណ្តរស្ទឹងថ្មី សង្កាត់ព្រែកកំពិស ខណ្ឌដង្កោ រាជធានីភ្នំពេញ។
សមត្ថកិច្ចបានឲ្យដឹងថា ជនរងគ្រោះដែលលង់ស្លាប់ទី១. ឈ្មោះ ខៀវ សំណាង ភេទប្រុស អាយុ ២០ឆ្នាំ មានមុខរបរជានិស្សិត រស់នៅសង្កាត់ទួលទំពូងទី២ ខណ្ឌចំកាមន, ទី២. ឈ្មោះ នួន សុភក្ដ្រ ភេទប្រុស អាយុ២៤ឆ្នាំ មានមុខរបរជានិស្សិតដូចគ្នារស់នៅក្នុងភូមិ-សង្កាត់ជាមួយគ្នា ។
បើតាមប្រភពព័ត៌មានពីនគរបាលបានឱ្យដឹងថា កាលពីថ្ងៃទី១៩ ខែសីហា ឆ្នាំ២០១១ និស្សិតមួយក្រុមមានគ្នា៦នាក់ បានទៅដើរលេងមានសន្ទូច និងស្រាយកទៅជាមួយផង ដោយពួកគេទាំង អស់គ្នាស្ទូចត្រីបណ្ដើរផឹកស្រាបណ្ដើរ លុះពេលផឹកស្រាអស់មានម្នាក់ក្នុងចំណោម៦នាក់ បានទៅ ទិញស្រាបន្ថែមទៀត ហើយ៣នាក់ផ្សេងទៀត គឺអង្គុយស្ទូចត្រី រីឯជនរងគ្រោះទាំងពីរ បាននាំគ្នាចុះហែលទឹកប្រណាំងគ្នាលេង ពីច្រាំងម្ខាងទៅច្រាំងម្ខាងលុះពេលហែលបានបន្ដិច ដោយសារទឹកហូរខ្លាំងពេកហែលពុំរួចក៏លិច ចូលទៅក្នុងទឹកបាត់តែម្ដងទៅ ។
ក្រោយពីមិត្តភក្តិលង់ទឹកនោះ អ្នកនៅលើគោកបាននាំគ្នាស្រែកឆោឡោ និងនាំគ្នាចុះហែលរក តែរកមិនឃើញលុះដល់ថ្ងៃទី២០ ខែសីហា ទើបមានគេប្រទះឃើញសព អណ្ដែតមួយ គឺឈ្មោះ ខៀវ សំណាង ក៏បាននាំគ្នាស្រង់ចេញពីទឹក ចំណែកឯសពរបស់ នួន សុភក្ដ្រ ពុំទាន់ឃើញនៅឡើយទេ។
បច្ចុប្បន្នជនសពរងគ្រោះ នួន សុភក្ដ្រ ត្រូវក្រុមគ្រួសារកំពុងតាមរក ចំណែកឯកសាកសពដែលរកឃើញ ត្រូវក្រុមគ្រួសារយកទៅធ្វើបុណ្យ តាមប្រពៃណី នៅឯលំនៅដ្ឋាន៕
No comments:
Post a Comment